Jagannathashtakam (జగన్నాథాష్టకం)

Follow Me On

My Instagram: https://bit.ly/3EQ9mGL

My Facebook: https://bit.ly/3lZr438

Join my youtube channel: https://bit.ly/31REiIy 

కదాచిత్-కాలిందీ తటవిపిన సంగీతకరవో

ముదాభీరీ నారీవదన కమలాస్వాదమధుపః ।

రమా శంభు బ్రహ్మామరపతి గణేశార్చిత పదో

జగన్నాథః స్వామీ నయనపథగామీ భవతు మే ॥ 1 ॥

భుజే సవ్యే వేణుం శిరసి శిఖిపింఛం కటితటే

దుకూలం నేత్రాంతే సహచరకటాక్షం విదధతే ।

సదా శ్రీమద్వృందావనవసతిలీలాపరిచయో

జగన్నాథః స్వామీ నయనపథగామీ భవతు నే ॥ 2 ॥

మహాంభోధేస్తీరే కనకరుచిరే నీలశిఖరే

వసన్ ప్రాసాదాంతస్సహజ బలభద్రేణ బలినా ।

సుభద్రా మధ్యస్థస్సకలసుర సేవావసరదో

జగన్నాథః స్వామీ నయనపథగామీ భవతు మే ॥ 3 ॥

కృపా పారావారాస్సజల జలద శ్రేణిరుచిరో

రమావాణీ రామస్ఫురదమల పంకెరుహముఖః ।

సురేంద్రైరారాధ్యః శ్రుతిగణశిఖా గీత చరితో

జగన్నాథః స్వామీ నయనపథగామీ భవతు మే ॥ 4 ॥

రథారూఢో గచ్ఛన్ పథి మిలిత భూదేవపటలైః

స్తుతి ప్రాదుర్భావం ప్రతిపదముపాకర్ణ్య సదయః ।

దయాసింధుర్బంధుస్సకల జగతా సింధుసుతయా

జగన్నాథః స్వామీ నయనపథగామీ భవతు మే ॥ 5 ॥

పరబ్రహ్మాపీడః కువలయ-దలోత్ఫుల్లనయనో

నివాసీ నీలాద్రౌ నిహిత-చరణోఽనంత-శిరసి ।

రసానందో రాధా-సరస-వపురాలింగన-సఖో

జగన్నాథః స్వామీ నయనపథగామీ భవతు మే ॥ 6 ॥

న వై యాచే రాజ్యం న చ కనక మాణిక్య విభవం

న యాచేఽహం రమ్యాం నిఖిలజన-కామ్యాం వరవధూమ్ ।

సదా కాలే కాలే ప్రమథ-పతినా గీతచరితో

జగన్నాథః స్వామీ నయనపథగామీ భవతు మే ॥ 7 ॥

హర త్వం సంసారం ద్రుతతరమసారం సురపతే

హర త్వం పాపానాం వితతిమపరాం యాదవపతే ।

అహో దీనోఽనాథే నిహితచరణో నిశ్చితమిదం

జగన్నాథః స్వామీ నయనపథగామీ భవతు మే ॥ 8 ॥

జగన్నాథాష్టకం పున్యం యః పఠేత్ ప్రయతః శుచిః ।

సర్వపాప విశుద్ధాత్మా విష్ణులోకం స గచ్ఛతి ॥

ఇతి శ్రీమద్ శంకరాచార్యవిరచితం జగన్నాథాష్టకం సంపూర్ణం॥

గమనిక: మరిన్ని అష్టకాలు ఇక్కడ చుడండి

గోవిందాష్టకం - శంకరాచార్యులు

రామ అష్టకం

బాలముకుంద అష్టకం - శంకరాచార్యులు